Şikayətlə bağlı müraciətlərə niyə baxılmır?
Fuad Əliyev: "Bir çox hallarda isə müraciətlərə başdansovdu cavablar verilir"
Müstəqil Həmkarlar Birliyinin (MHB) İdarə Heyətinin növbəti iclası keçirilib.
Versus.Az xəbər verir ki, bu barədə MHB-nin Mətbuat Xidmətinin məlumatnda bildirilib.
İclasda MHB sədri Fuad Əliyevin avqust ayında təşkilatın fəaliyyətilə bağlı hesabatı dinlənilib.
MHB sədrinin sözlərinə görə, vətəndaşlardan birliyə daxil olan şikayətlərin bir neçəsi öz müsbət həllini tapıb.
"Buna baxmayaraq müraciətlərə vaxtında, bir çox hallarda təyinatı üzrə və hərtərəfli baxılmır. Müraciətlərə başdansovdu cavablar verilir. Şikayət hansı qurumdan, hansı vəzifəli şəxsdən verilirsə, məhz araşdırlması üçün həmin quruma və vəzifəli şəxsə göndərilib. Misal üçün bu Binəqədi Bələdiyyəsinə, 3 saylı poliklinika, Sumqayıt Dövlət məşqulluq xidmətinə də aiddir. Bu hallarla bağlı ciddi araşdırmalar aparılmalıdır. Bizim əsas vəzifəmiz vətəndaşın yanında olmaq və onun hüquqların tanınmasında yardım etməkdir”.
MHB İdarə Heyətinin üzvləri Xəzər Teyyublu və Əhməd Rəhmanov regionlarda MHB-nin yeni rayon şöbələrinin yaranması və yaxın aylarda fəaliyyətlə bağlı təkliflər veriblər.
AYSEL
Versus.Az
Xəbər lenti
Minalarla mübarizə müzakirə edildi
Qarşılıqlı maraq doğuran digər məsələlər ətrafında fikir mübadiləsi aparılıb