Türkmənistan, Qırğızıstan və Rusiyada yaşayan türk xalqlarının təmsilçiləri ilə görüş
Macarıstanda keçirilən Turan Qurultayı çərçivəsində millət vəkili Qənirə Paşayeva qardaş Türkmənistan, Qırğızıstandan gəlmiş nümayəndə heyətləri ilə, Rusiya Federasiyasında yaşayan türk xalqlarının təmsilçiləri ilə də görüşüb və geniş fikir mübadiləsi aparılıb.
Versus.Az-ın məlumatına görə, onlara Azərbaycandan danışan millət vəkili Q.Paşayeva Türk dünyanıın güclənməsində aydınlarımızın, şair, yazar, sənət adamlarımızın da üzərinə böyük vəzifələr düşdüyünü vurğulayıb, onlara uğurlar diləyib və ölkəmizə dəvət edib. Qənirə Paşayeva bugünki və gələcək nəsillərə birlik və bərabərliyimizin nə qədər vacib və önəmli olduğunu daha çox anlatmalıyıq deyib.
Millət vəkili görüşlər zamanı Azərbaycanın və Türk dünyasının ən böyük problemlərindən olan Qarabağ problemindən, Ermənistanın Azərbaycan torpaqlarının 20 faizini işğal altında saxlamasından da danışıb, geniş məlumatlar verib və Qarabağ həqiqətlərinn yayılmasında onları daha fəal olmağa çağırıb. Qırğızıstan heyətini Turan Qurultayı çərçivəsində keçirilmiş qədim çovqan oyunu üzrə yarışın qalibi olması münasibətilə təbrik edən millət vəkili qədim türk oyunlarından olan çovqan oyununun çox yüksək səviyyədə yaşadılmasını görmək çox gözəldir deyib.
Görüşlərdə Regional Hüquqi və İqtisadi Maarifləndirmə İB-nin sədri Arzu Bağırova, tibb elmləri doktoru Məlahət Qəhrəmanova, iş qadını Pərvanə Mustafayeva da iştirak ediblər.
Xəbər lenti
Prezidentin Xankəndidə alovlandırdığı Novruz tonqalı ilə qoyulan NİDA
“Ölkə başçısının çıxışı Ermənistanı məğlubiyyət gerçəkliyi ilə üz-üzə qoydu”