Yaşayış minimumu 210 manata qaldırılır
Milli Məclisdə hökumət üzvlərinin iştirakı ilə büdcə müzakirələri davam edir. Spiker Sahibə Qafarova bildirdi ki, iclasda “Azərbaycan Respublikasında 2022-ci il üçün yaşayış minimumu haqqında” Azərbaycan Respublikası qanununun layihəsi ikinci oxunuşda müzakirəyə çıxarılır.
İqtisadi siyasət, sənaye və sahibkarlıq komitəsinin sədri Tahir Mirkişili layihə haqda məlumat verdi. Bildirdi ki, 2022-ci ildə yaşayış minimumunun həddi 210 manat məbləğində müəyyən edilir. Layihəyə əsasən, 2022-ci il üçün yaşayış minimumu ölkə üzrə 210 manat, əmək qabiliyyətli əhali üçün 220 manat, pensiyaçılar üçün 176 manat, uşaqlar üçün 193 manat məbləğində müəyyənləşdirilir.
Qeyd edək ki, 2021-ci ildə yaşayış minimumu 196 manat olub.
Qanun layihəsi müzakirələrdən sonra səsə qoyularaq ikinci oxunuşda qəbul edildi.
Xəbər lenti
Sakinlərin NƏZƏRİNƏ
Sabah bəzi ərazilərdə qaz olmayacaq