Millimizin daha bir üzvü xarici kluba transfer oldu

Futzal üzrə Azərbaycan millisinin iki üzvü klubunu dəyişib.

 

Versus.Az xəbər verir ki, “Araz-Naxçıvan”dan ayrılan Əmir Şücai Qazaxıstanın “Bayterek” klubuna keçib. Futzalçının viza işləri artıq həllini tapıb və o, sabah yeni komanda yoldaşlarına qoşulacaq.

 

Həmçinin daha əvvəl xəbər verdiyimiz kimi, Avropa çempionatının final mərhələsində özünü yaxşı tərəfdən göstərən Rafael Vilela isə Rusiyanın “Tümen” klubu ilə anlaşıb. Hazırda Rusiya Super Liqasına başçılıq edən bu komanda UEFA Çempionlar Liqasının “Dördlər finalı”nda da iştirakını davam etdirir. Hücumçu yeni klubu ilə müqaviləyə imza atıb və artıq o, “Tümen”in düşərgəsindədir.