140 min dollarlıq avtomobil

Çinin “XPeng” startapı 2025-ci ilə qədər “AeroHT” uçan elektrik avtomobilini kütləvi istehsala buraxmağı hədəfləyir. İstehsalçı gələcəyin avtomobilinin dəyərini 140 000 dollar (238 000 manat) civarında qiymətləndirir.

“Airmobil” on metrlərlə hündürlüyə qalxa bilir. Bu işdə ona səkkiz pər və dörd güclü mühərrik kömək edəcək.

Elektriklə işləyən avtomobil çox vaxt yerdə hərəkət edəcək. O, yalnız maneələri və ya tıxacları dəf etmək üçün havaya qalxacaq.

Startapın yaradıcısı Çjao Delinin sözlərinə görə, onun şirkətinin yolunda əsas problem texnoloji çağırışlar deyil, tənzimləyicilərin məhdudiyyətləridir. Belə bir avtomobilin sahibinə həm sürücülük, həm də pilot vəsiqəsi lazım olacaq.

Hazırda “AeroHT” həmçinin hava taksisinin yaradılması üzərində işləyir.

Qeyd edək ki, maşının nümayiş uçuşları 2022-ci ilin oktyabrında Dubayda həyata keçirilib.