Musa Quliyev: “Bu xain rejimin bircə dostu var, o da faşist Ermənistandır”

 “İranın fitnəkar rejimi yenə də düşmənçilik toxumunu səpdi. İranın çirkin iç üzünü bir daha gördük. İran rəsmlərinin nə bəyanat verməsindən, hansı bəhanə uydurmasından asılı olmayaraq gün kimi aydındır ki, bu terror İran dövlətinin bizə düşmən siyasətinin tərkib hissəsidir və nəticəsidir”.

Bunu Versus.az-a Milli Məclisin deputatı Musa Quliyev İrada Azərbaycan səfirliyində törədilən terrr aktı ilə bağlı açıqlamasında bildirib.

Deputat bildirib ki, Azərbaycanın Tehrandakı səfirliyinə terrorçu hücumu İran xüsusi xidmət orqanlarının "xeyir- duası" ilə  baş verib. 

“İranın çürümüş rejiminin sonu yaxınlaşır, bu terrorçu, allahsız, vizdansız və əxlaqsız rejim məhvə məhkumdur. İranda islam adından üzündə maska kimi istifadə edən islam və insan düşməni bir totalitar rejim öz biabırçı sonunu tezləşdirməkdədir. Bütün dünya ilə, o cümlədən müsəlman qonşuları ilə  düşmən olan bu xain  rejimin bircə dostu var, o da faşist Ermənistandır”.

İranın belə mənfur, çirkin əməlləri xalqımızın iradəsini sındıra bilməyəcək. Əksinə, daha da mübariz ruhumuzu artıracaqdır. İran bu qanı öz çirkin əllərindən və sifətindən yuya bilməyəcəkdir. Hesab edirəm ki, İran xalqı, xüsusi ilə oradakı soydaşlarımız tezliklə öz qəti və son sözünü söyləyəcəkdir. Terroru dövlət siyasətinə çevirən bir rejim tarixin zibilliyinə tullanacaqdır. İranın terrorçu siyasətini qətiyyətlə pisləyirik”.

Tahirə Qafarlı
Versus.az