“ABŞ-ın vasitəçiliyi  bölgədə sülhün yaranmasına gətirib çıxarda bilər”

Azərbaycan və Ermənistan xarici işlər ABŞ-ın Verjiniya ştatında keçirilən bu görüşlərdə məncə problemlərə ciddi yanaşıblar. Sülh müqaviləsinin eskiz sazişinin əsas parametrlərinin işlənməsinə müəyyən dərəcədə nail olublar.

Bunu Versus.az-a politoloq Qabil Hüseynli Azərbaycan və Ermənistan xarici işlər nazirlərinin ABŞ-da baş tutatn 4 günlük danışıqların nəticələrini şərh edərkən bildirib.

Q.Hüseynli bildirib ki, hər halda görüşün uğurlu keçdiyinə inanır.  O, bildirib ki, tərəflər arasında keçirilən bu görüşün nəticəvi görüş olduğuna, dövlətlərarası münasibətlərdə bir sıra məqamların razılaşdırılmasına nail olunduğu qeyd edilir.

“Bu müsbət hadisədir. Həmçinin razılaşdırılmamış məqamlar var və bunun hər bir dövlətin siyasi rəhbərliyində razılaşdırılmaqla yoluna qoyulacağı ehtimalı önə çəkiir”.

Politoloq çox böyük ehtimalla hesab edir ki, ABŞ bölgədə sülhün yaranmasında maraqlıdır və uzun müdətdir, bölgədə qarşıdurma mühitini yaradan Rusiyanın  bu bölgədəki hərəkətlərindən narazıdır.

“İnanıram ki, ABŞ-ın vasitəçiliyi  bölgədə sülhün yaranmasına gətirib çıxarda bilər”.

Tahirə Qafarlı

Versus.az

 Versus.az