Moskva yalnız özünün şərtlərini diqtə edir-Açıqlama
“Moskva Brüssselin vasitəçiliyi ilə əldə olunan razılaşmaları və bu razılaşmaların sülhə aparacağını bilir. Ona görə də prosesdə aktivlik nümayiş etdirərək real sülhün əldə olunmasına qarşı öz alternativ variantını təklif edir. Rusiyanın öz variantını Ermənistanda qəbul etdirmək istəyi də sülh prosesinin qarşısının alınmasıdır. Moskva konkret olaraq Brüssel formatının qarşısını almağa çalışır”.
Bunu versus.az-a politoloq Məhəmməd Əsədullazadə Azərbaycan Prezidentinin və Ermənistan baş nazirinin Rusiya prezidenti Vladimir Putinin təşəbbüsü ilə Moskvada keçirilən üçtərəfli görüşlə bağlı gözləntiləri şərh edərkən bildirib.
Politoloq hesab edir ki, Moskva görüşündə müəyyən razılaşmalar, şifahi bəyanatlar qəbul oluna bilər. Amma bu sülhə xidmət etmir.
“Düşünürəm ki, Rusiya Qarabağda erməni əhalisi ilə bağlı “statusun” açıq qalması, delimitasiya, demorkasiya prosesinin sülh imzalanmazdan öncə icra olunması və yalnız Moskva vasitəsi ilə üçtərəfli prosesin açılmasını təklif edəcək. Təbii ki, Azərbaycan bu məsələlərlə razı deyil”.
M.Əsədullazadə qeyd edib ki, liderlər Moskvada konkret olaraq Brüsseldə əldə olunan razılaşmaların bir araya gəlir. Onun sözlərinə görə, Nikol Paşinyanın Qarabağı Azərbaycanın tərkib hissəsi olmasını qəbul etməsindən sonra yeni bir situasiya formalaşıb.
“Rusiya Ermənistanın Qarabağı Azərbaycanın tərkib hissəsi kimi tanımasını istəmirdi. Artıq bu proses baş verib. Bundan sonra Moskva Azərbaycan-Ermənistan arasında sülh prosesinin qarşısını ala bilməyəcək. Ümumiyyətlə, Prezident İlham Əliyev də Brüssel formatına etimad edir və eyni zamanda Moskvanın vasitəsi ilə də hər hansı razılaşmanın ola biməsini mümükün hesab edir. Amma bu razılaşma real olaraq həyata keçirilməyəcək. Məhz Brüsselin vasitəçiliyi ilə sülh müqaviləsi əldə oluna bilər və Nikol Paşinyanın da Qaranağı Azərbaycanın tərkib hissəsi tanımısı Brüsselin vasitəçiliyi ilə əldə edilmiş razılaşmaların nəticəsidir”.
Politoloq hesab edir ki, Moskva yalnız özünün şərtlərini diqtə edir və bu şərtlər də dövlətlərarası münasibətlərdə normallaşma prosesinə xidmət etmir.
“Rusiya məsələyə öz maraqları kontekstində yanaşır. Ona görə də hesab edirəm kİ, Moskva görüşündə hər hansı razılaşma, sənəd qəbul olunsa da, ümumən sülhə gətirəcək bir proses deyil”.
Ləman
Versus.az
Xəbər lenti
Parlament seçkisinə hazırlıqla bağlı TAPŞIRIQ
"Seçici siyahılarının dəqiqləşdirilməsi prosesi sürətləndirilməlidir"