”Vətəndaş Birliyi” Seçki Qərargahı yaradılıb

Xəbər verdiyimiz kimi, 2024-cü il 7 fevral tarixinə növbədənkənar prezident seçkiləri təyin olunub.

Versus.Az xəbər verir ki, bununla bağlı bir qrup vətəndaşın toplantısı keçirilib.

Toplantıda çıxış edən Fuad Əliyev növbədənkənar prezident seçkilərində iştirak etmək istəyini açıqlayıb. O, topantı iştrakçılarına müraciət edərək, onlardan seçkidə iştirak üçün dəstək istəyib və “Vətəndaş Birliyi” seçki qərargahının yaradılmasını təklif edib.

Toplantı iştirakçıları təklifləri müzakirə etdikdən sonra “Vətəndaş Birliyi” seçki qərargahının yaradılmasını dəstəkləyiblər.

Beləliklə, növbədənkənar prezident seçkilərində iştirak etmək üçün namizədliyi irəli sürən Fuad Əliyevin “Vətəndaş Birliyi” seçki qərargahı 7 nəfərdən ibarət tərkibdə formalaşıb.

Daha sonra, prezidentliyə namizəd Fuad Əliyev “Vətəndaş Birliyi” seçki qərargahına rəhbərlik etmək üçün Xəzər Teyyublunun namizədliyini təklif edib.

Təklif yekdilliklə qəbul olunub.

Qeyd edək ki, Fuad Əliyev bununla dördüncü dəfə Prezidentliyə namizəd olacaq.

PƏRİ
versus.az