"Azərbaycan ən böyük dövlətə çevriləcək"
Hasan Oktay: "Türkiyədə seçkilər bitdikdən sonra Azərbaycanda da daha yaxşı inkişaflar olacaq"
Prezident İlham Əliyev fevralın 7-də keçirilən növbədənkənar prezident seçkilərində qalib gələndən sonta xarici ölkəyə ilk rəsmi səfərini Türkiyəyə etdi. Prezidentlərin ikitərəfli əlaqələrin bütün istiqamətlərini nəzərdən keçirəcək, həmçinin əməkdaşlığın daha da dərinləşdirilməsi üçün atıla biləcək addımlar barədə fikir mübadiləsi aparacaqları bildirilir. Rəcəb Tayyib Ərdoğan İlham Əliyev arasında ikitərəfli münasibətlərlə yanaşı hansı mühüm sənədlər imzalana bilər və əməkdaşlığımızın dərinləşməsi üçün hansı mühüm addımlar atıla bilər?
Versus.Az xəbər verir ki, bu istiqamətdə açıqlama verən Türkiyənin Cənubi Qafqaz üzrə Strateji Araşdırmalar Mərkəzinin rəhbəri Həsən Oktay Azərbaycanda keçirilən seçkilərdən sonra Azərbaycan prezidentinin ilk rəsmi səfərini Türkiyəyə etməsini yüksək dəyərləndirib.
Bu səfərlərin ənənəyə çevrildiyini deyən ekspert bunun türk dövlətləri arasında əlaqələrin daha da möhkəmlənməsinə yol açacağını deyib. H.Oktay qeyd edib ki, regionda strateji baxımdan qonşularla yaxşı münasibətlər inkişaf etdikcə, Azərbaycan Türkiyənin dəstəyi ilə gündəmə gələcək:
“Gürcüstanın xarici işlər nazirinin Türkiyəyə son səfəri ilə Lalinin Türkiyə səfəri zamanı müzakirə olunan məsələlər, Gülüstanın bölgədəki həssaslığını nəzərə alaraq dəyərləndirdiyimiz zaman Türkiyə-Azərbaycan-Ermənistan üçtərəfli sülhü bərqərar olacaq və Azərbaycan ən böyük dövlətə çevriləcək. Bu gün Türkiyədə Senur dəhlizi ilə bağlı müzakirələrin daha geniş kontekstdə qiymətləndirilməsi, Azərbaycana təzyiqlərin dağıdılması və daha genişmiqyaslı strategiyanın hazırlanması ilə bağlı mühüm müzakirələr aparılır. Türkiyədə seçkilər bitdikdən sonra Cənubi Qafqaz regionunda, o cümlədən Azərbaycanda daha yaxşı inkişaflar olacaq”.
LƏMAN
Xəbər lenti
Azərbaycan Ordusunda komanda-qərargah təlimləri
Bölmələr ehtiyat və təyinat rayonlarına çıxarılıblar