“Ermənistana dəstək vermək üçün vəsaitləri varsa, təzminatı ödəsinlər”
Əli Məsimli: “Brüssel görüşü regionda sülhə xidmət edən görüş deyil"
“Brüssel görüşü regionda sülhə, əminəmanlığa xidmət edən görüş deyil. Brüssel görüşünün məzmunu göstərir ki, uzun illər erməni faşizminin arxasında duran qüvvələr bu gün də bölgədə gərginliyin qalmasında maraqlıdır.”
Hafta.az xəbər verir ki, bunu Milli Məclisin bugünkü iclasında deputat Əli Mənsimli bildirib.
Deputat qeyd edib ki, 44 günlük müharibə, 1 günlük antiterror tədbirlərinin nəticələri göstərdi ki, bir çox dövlətlər Cənubi Qafqazda hegemonluq etmək üçün erməni faktorundan istifadə edib bölgədə gərginlik, münaqişə yaratmasaydılar ərazilərimiz bu qədər dağıntilara məruz qalmazdı.
“Əgər Avropa Birliyinin, ABŞ-ın Ermənistana dəstək vermək üçün böyük vəsaitləri varsa, Azərbaycana 100 milyardalara ziyan vuran Ermənistanın əvəzinə təzminatı ödəsinlər. Əgər səmimidirlərsə erməni işğalı nəticəsində dağıdılmış ərazilərin bərpasına dəstək versinlər, əgər səmimidirlərsə, mina xəritələrini Azərbaycan təqdim etsinlər, “Qafqaz evi” modelini fikirdə deyil, əməldə təsdiqləsinlər”.
T.Qafarlı
Xəbər lenti
Minalarla mübarizə müzakirə edildi
Qarşılıqlı maraq doğuran digər məsələlər ətrafında fikir mübadiləsi aparılıb