İtkin düşmüş 102 şəxsin eyniləşdirilməsində 35-nin qalıqları təhvil verilib

15:08 06-04-2024 | icon 169 | Cəmiyyət
İtkin düşmüş 102 şəxsin eyniləşdirilməsində 35-nin qalıqları təhvil verilib

Bildiyiniz kimi, azad olunmuş ərazilərdə Əsir və itkin düşmüş, girov götürülmüş vətəndaşlara əlaqədar Dövlət Komissiyasında təmsil olunan dövlət qurumlarının əməkdaş və mütəxəssisləri ilə birlikdə axtarış-ekshumasiya və qazıntı işləri həyata keçirilir.

 

Bunu Əsir və itkin düşmüş, girov götürülmüş vətəndaşlara əlaqədar Dövlət Komissiyasının əməkdaşı Cəmilağa Ağayev deyib.

 

Onun sözlərinə görə, hazırkı vaxtadək azad olunmuş ərazilərdə 16 kütləvi məzarlıq aşkar edilib:

 

“Ümumilikdə isə 500-dən artıq insan qalığı götürülərək şəxsiyyətlərinin müəyyənləşdirilməsi üçün aidiyyəti üzrə laboratoriyalara təhvil verilib. Genetik molekulyar analiz Dövlət Təhlükəsizliyi Xidmətinin (DTX) Hərbi Tibb İdarəsində həyata keçirilir. Onu da bildirim ki, 2014-cü ildən başlayaraq Dövlət Komissiyası itkin düşmüş ailələrin yaxınlarından bionümunələr götürüb və onlardan profillər çıxarılaraq bazaya əlavə edilib”.

 
 
 

Cəmilağa Ağayev hazırda aşkar olunmuş insan qalıqlarından götürülmüş nümunələrdən çıxarılmış analizlərlə eyniləşdirilmə aparıldığını əlavə edib:

 

“Onların şəxsiyyətləri müəyyən olunur. Hazırkı vaxta qədər 102 şəxsin eyniləşdirilməsi həyata keçirilib, onlardan 35 şəhidin qalıqları artıq ailələrinə təhvil verilib, dəfn mərasimləri keçirilib. 73 nəfərlə bağlı məsələ isə hazırlıq mərhələsindədir, onların şəxsiyyətləri yaxın zamanlarda ictimaiyyətə açıqlanacaq. Hazırda Dövlət Komissiyası tərəfindən ərazidə axtarış-ekshumasiya prosesi davam etdirilir”.

 

Dövlət Komissiyasının əməkdaşı onu da bildirib ki, sözügedən proses çox vaxt aparan mürəkkəb prosesdir.

Xəbər lenti

InvestAZ

Ən çox oxunan xəbərlər

Ənvər Sadıqov - 58

Deputatın “Başkənd” iddiası ciddi qınağa səbəb oldu

Ölkəmizə olan böyük etimadın və dəstəyin nümunəsi

Prezidentin Almaniya səfərində ən mühüm MESAJI

İltihab xəstəliklərində nələri nəzərə almaq lazımdır?

Tanınmış yazar MHB-yə üzv oldu

"Almaniyaya səfər məhsuldar keçdi"

Tünzalə Ağayeva Səməd Vurğunun ev-muzeyini ziyarət edib

Bakı sakinlərinə ŞAD XƏBƏR

Azərbaycanda 1 May Bayramı keçirilə bilər?

Rektor yubiley medalı ilə təltif edildi

82 minə yaxın uşaq avtomatik olaraq 1-ci sinfə yerləşdirilib

Qarabağ Universitetinin yataqxanası ödənişli olacaq?

Məhkəmədən Anar Məmmədli barədə QƏRAR

“For Azerbaijan”ın qrant müsabiqəsinin NƏTİCƏLƏRİ