Şəkidə fermerlərə qaydalar izah olunub

14:41 21-05-2019 | icon 190 | İqtisadiyyat
Şəkidə fermerlərə qaydalar izah olunub

May ayının 20-də Azərbaycan Respublikası Kənd Təsərrüfatı Nazirliyi yanında Dövlət Fitosanitar Xidmətinin təşkilatçılığı ilə Şəki rayonunda “Dənli və dənli-paxlalı bitkilərdə aqrotexniki qulluq işlərinin keyfiyyətlə yerinə yetirilməsi və təhlükəsizlik qaydalarına əməl olunması” mövzusunda tarla şəraitində elmi-praktiki təlim keçirilib.


Versus.Az xəbər verir ki, fermerlər, mütəxəssislər və aqrar inkişaf könüllülərinin iştirakı ilə baş tutan təlimdə Dövlət Xidmətinin Respublika Bitki Mühafizəsi Mərkəzinin aparıcı mütəxəssisi Rais Nürəddinov dənli və dənli paxlalı bitkilərdə kimyəvi mübarizə tədbirlərinin həyata keçirilməsi zamanı təhlükəsizlik qaydalarına əməl olunması mövzusunda geniş məruzə ilə çıxış edib.

Təlimçi çıxışında toxumların dərmanlanması, eləcə də zərərvericilərə və xəstəliklərə qarşı mütəmadi müşahidələr aparmaqla lazımi tədbirlərin yerinə yetirilməsinin vacibliyini diqqətə çatdırıb. Təlim zamanı aqrotexniki tədbirlərin kompleks şəkildə yerinə yetirilmiş sahələrdən birinə baxış keçirilib və zəif qulluq olunan sahə ilə müqayisə edilib.

“Dənli və dənli paxlalı bitkilərdə bitki mühafizə tədbirlərinin həyata keçirilməsində texniki təhlükəsizlik qaydalarına əməl olunması” mövzusunda çıxış edən Şəki rayon Bitki Mühafizəsi Mərkəzinin rəisi Tələt Mehdiyev, pestisidlərlə işləyərkən işçi məhlulun hazırlanmasında xüsusi geyim vasitələrindən istifadə olunması, çiləyici aqreqatların nizamlanması qaydasını iştirakçılara ətraflı izah edib və bu tədbirlərin həyata keçirilməsində bitki mühafizə mütəxəssisləri ilə məsləhətləşmələrin vacib olduğunu iştirakçıların diqqətinə çatdırıb. Son illər Şəki rayonu ərazisində dənli və dənli-paxlalı bitkilərdə zərərli orqanizmlərə qarşı aparılan bitki mühafizə tədbirləri barədə məlumat verən T.Mehdiyev, qlobal istiləşmə ilə bağlı zərərli orqanizmlərin aqressivliyinin və virulentliyinin xeyli artdığını fermerlərin diqqətinə çatdırıb.

Patogen orqanizmlərin yeni-yeni rass və ştamplarının əmələ gəldiyini söyləyən təlimçi, əvvəl iqtisadi əhəmiyyət kəsb etməyən zərərli orqanizmlərin zərərli fəaliyyətinin xeyli çoxaldığını vurğulayıb: “Bütün bunlar isə mübarizə tədbirlərində inteqrir mübarizə sisteminə keçməyi tələb edir. Məhz bu gün keçirilən təlim də inteqrir mübarizə sisteminin ən vacib hissəsi olmaqla zərərli orqanizmlərin qarşısının alınmasında xüsusi əhəmiyyət kəsb edir”.

Təlimdə iştirakçıları maraqlandıran suallar ətraflı cavablandırılıb, təlim iştirakçılarına “Pestisidlərlə iş zamanı texniki təhlükəsizlik qaydalarına dair təlimat” vərəqələri paylanılıb.

 

Versus.Az

Xəbər lenti

InvestAZ

Ən çox oxunan xəbərlər

O, yalnız seçkidən seçkiyə deyil, hər zaman seçicilərinin yanında oldu

101 saylı Göygöl-Daşkəsən seçki dairəsindən namizəd - HAFİZ HACIYEV

“Səs ala bilməyəcəklərini rəqiblərim də bilir” - MÜSAHİBƏ

ƏLİSAHİB HÜSEYNOV başladı!

ELMAN ELDAROĞLUNUN "NEYTRAL MÖVQE"Yİ

95 saylı Tərtər Seçki Dairəsindən namizəd - TAMİLLA QULAMİ

32 saylı Suraxanı seçki dairəsindən namizəd - EHTİRAM MEHTİYEV

MAHİR ABBASZADƏ seçicilərlə görüşlərə Sumqayıtdan start verdi

Razi Nurullayevin seçki PLATFORMASI

10 saylı Binəqədi seçki dairəsindən namizəd - KÖNÜL İSMAYILOVA

49 saylı Yevlax-Mingəçevir seçki dairəsindən namizəd - NƏSİMİ PAŞAYEV

121 saylı Laçın seçki dairəsindən namizəd - MAHİR ABBASZADƏ

23 saylı Nəsimi-Səbail seçki dairəsindən namizəd - TALEH ŞAHSUVAROV

Azərbaycanlı bloqer sərvətini nümayiş etdirdi - VİDEO

FUAD ƏLİYEV təşviqat kampaniyasına start verdi