Türkiyənin məşhur sənətçilərindən Azərbaycana dəstək mesajları - Fotolar

Sentyabrın 27-dən Ermənistanın təxribatına qarşı Azərbaycan Ordusunun əks hücumu, qazandığı qələbələr qardaş Türkiyə tərəfindən diqqətlə izlənilir, dəstək verilir.

Məşhur türkiyəli sənətçilər də sosial şəbəkələrdə Azərbaycan-Türkiyə bayraqlarını paylaşaraq, ölkəmizin yanında olduqlarını bildiriblər.

Versus.Az Musavat.com-a istinadən onlardan bir neçəsini təqdim edir.

Muğənni Doğuş Azərbaycan-Türkiyə bayraqlarını paylaşaraq, qeyd edib: "Azərbaycanın kədəri kədərimiz, sevinci sevincimizdir!"

Müğənni Serdar Ortac da hər iki ölkənin bayrağını paylaşaraq, birlik mesajını verib.

Məşhur ifaçı Mustafa Ceceli də Azərbaycan-Türkiyə bayraqlarını paylaşaraq "Vaxtı çatıb. Allah zəfər nəsib etsin!" sözlərini qeyd edib.

Müğənni Alişan isə "Hər şey Vətən üçün, hər şey Qarabağ üçün. Hər şey cəbhə üçün, hər şey qələbə üçün!" paylaşımını edib.

Aktirsa Seren Serengil isə qeyd edib: "Dostunuz dostumuz, düşməniniz düşmənimiz, üzüntünüz üzüntümüz, sevinciniz sevincimizdir. Xarakterli dostlar belə olur. İki dövlət, tək millətik. Bizimlə kimsə dava etməsin, etməyə qalxmasın!"