Sumqayıt Dövlət Dram Teatrı - 50

08:51 01-11-2018 | icon 322 | Mədəniyyət
Sumqayıt Dövlət Dram Teatrı - 50

Sumqayıt Dövlət Dram Teatrının 50 illik yubiley gecəsi keçirilib.

 

Teatrdan Versus.Az-a verilən məlumata görə, ilk dəfə böyük dramaturq, filosof, maarifpərvər ziyalı Mirzə Fətəli Axundovun "Müsyo Jordan və Dərviş Məstəli Şah" komediyası ilə tamaşaçıların görüşünə gələn kollektiv yarım əsrdə keşməkeşli, ancaq uğurlarla zəngin yol keçib. Bu gün Azərbaycan Respublikası Prezidentinin 05 iyul 2018-ci il tarixli sərəncamına əsasən Mədəniyyət Nazirliyinin və Sumqayıt Şəhər İcra Hakimiyyətinin təşkilatçılığı ilə gerçəkləşən yubiley tədbiri tarixi-mədəni hadisə kimi yaddaşlara həkk olunub.

 

Teatrın baş rejissoru, xalq artisti Firudin Məhərrəmov yubiley ssenarisini məhz ilk tamaşanın motivləri üzərində qurub. Dərvişin əcinnələri hadisələrin gedişinə təsir göstərir, süjet xəttini dolğunlaşdırırlar. Amma bu dəfə əcinnələr xeyirxah missiyada çıxış edirlər.

 

Aparıcıların təqdimatı ilə teatr truppası səhnəyə dəvət olunub və onlar üçün ayrılmış yerlərdə əyləşiblər. Sonra mədəniyyət naziri Əbülfəs Qarayev və Sumqayıt Şəhər İcra Hakimiyyətinin başçısı Zakir Fərəcov teatr kollektivini təbrik edib. Çıxışlarda dövlət başçısının milli mədəniyyətə, incəsənətə xüsusi qayğısından , bu sahədə reallaşan əhəmiyyətli layihələrdən danışılıb. Elə bu günlərdə Sumqayıt Dövlət Dram Teatrının 50 illik yubileyi ilə bağlı kollektivin bir qrup üzvünə fəxr adların və "Tərəqqi" medalının verilməsi vurğulanıb. Prezident sərəncamı səsləndirildikdən sonra fəxri adlar, habelə “Tərəqqi” medalı əməkdaşlara təqdim olunub. Z.Fərəcov şəhərin sosial-mədəni həyatında fəal iştirakına görə bir qrup aktyoru Fəxri fərmanla təltif edib.

 

Kollektivin bu özəl günündə bir-birindən rəngarəng çıxışlar, maraqlı təbriklər olub. 1969-cu ildə teatrda qoyulmuş ilk tamaşa- “ Müsyö Jordan və dərviş Məstəli şah” komediyasının rejissoru xalq artisti Cənnət Səlimova təbrikə qoşulub. Azərbaycan Teatr Xadimləri İttifaqının sədri Azər Paşa Nemət Azərbaycan Teatr Xadimləri İttifaqının Fəxri fərmanlarını bir qrup aktyora təqdim edib.

 

Milli Akademik Dram Teatrının aktyorları Hacı İsmayılov, Əjdər Həmidov və Əli Nur, Akademik Opera balet teatrının solisti Gülüstan Əliyeva, Bakı Musiqili Teatrının aktyorları xalq artisti İlham Namiq Kamal və digər aktyorlar öz təbriklərini çatdırıblar. Daha sonra zaman-zaman teatrın repertuarında yer tutmuş müxtəlif tamaşalardan fraqmentlər manitor vasitəsilə göstərilib. Azərbaycan Dövlət Gənc Tamaşaçılar Teatrının kollektivi də öz təbrikini orijinal formada çatdırıb. Respublilanın xalq artistləri Gülyaz və Gülyanaq Məmmədova bacıları musiqi töhvəsini verib. Həmçinin digər ölkələrdən teatr rəhbərlərinin təbrikləri monitorda göstərilib.

Xəbər lenti

InvestAZ

Ən çox oxunan xəbərlər

Bakının işğaldan azad edilməsinin 101-ci ildönümü ilə bağlı tədbir keçirilib - FOTOLAR

Lənkəranda bir neçə təhsil müəssisəsinin açılış mərasimi olub

ÜMİDDƏN ASILAN QILINC

Qazilər 92-ci il döyüşlərindən danışdılar

“Özünü güclü siyasi qüvvə və ya "ana müxalifət" hesab edirsə, buyursun seçkiyə” - MÜSAHİBƏ

Laçın şəhər 37 saylı məktəbdə BİLİK GÜNÜ - VİDEO

Qəbrin nurla dolsun şəhidim...

Musiqi sevgisinin kökündə duran Üzeyir Hacıbəyli işığı

"Bəs Əli Kərimli niyə susur?"

ŞƏHİD QƏBİRLƏRİNDƏN DUYULAN VƏTƏN ANDIMIZ 

"Bu, islahat deyil, utancverici göstəricidir"

"AXH bu gün müxalifətin aparıcı qüvvələrindən biridir”

Fuad Qəhrəmanlının qızından atası və Əli Kərimli ilə bağlı - Sensasion iddialar

AXCP sədri: Prezidentə və Birinci vitse-prezidentə qarşı “səlib yürüşü” edə bilmərik

İQBAL AĞAZADƏ: O kəslər bir yerdə yaşasınlar ki, ayrı yaşaya bilmirlər