"Paşinyan həm də hökumətin qanuni idarəedicisinə çevrildi"
Samir Hümbətov: “Bu, Paşinyan dönəminin davam etməsinə gətirib çıxarda bilər”
“Armen Sarkisyan gözlədiyini ala bilmədiyi üçün artıq istefaya getməyə məcbur oldu. Çünki o, formal fiqur olaraq qalmaq niyyətində deyildi. O, bu istefası ilə həm də Paşinyanı vurmağa çalışırdı. Amma özünü vurmaqla Paşinyana yeni bir şərait yaratdı”.
Bunu Versus.az-a politoloq Samir Hümbətov Ermənistan prezidenti Armen Sarkisyanın istefasının səbəbləri ilə bağlı şərhində bildirib.
Politoloq bildirib ki, Ermənistan hökuməti 2018-ci ilə qədər prezident üsul-idarəsi ilə idarə olunurdu. Onun sözlərinə görə, 2018-ci ildə Sarkisyan hakimiyyətdə qalmaq üçün manevr edib hökumət sisteminə keçmək istəsə də alınmadı:
“2016-cı il aprel döyüşlərindən sonra Qərbə hakimiyyətə öz adamını gətirməklə bağlı imkan yarandı və Paşinyan hakimiyyətə gətirildi. Paşinyan baş nazir olmaqla yanaşı, həm də hökumətin qanuni idarəedicisinə çevrildi. Prezident vəzifəsi artıq formal xarakter daşımağa başladı. Yəni burda artıq kimin prezdient olmasının önəmi yox idi. Uzun illər Qərblə sıx əməkdaşlığı olmuş, Böyük Britaniyada Ermənistanın səfiri işləmiş Armen Sarkisyan şirniklənərək prezident seçildi. Təbii ki, Qarabağ savaşı, ondan əvvəlki və sonrakı dövrlərdə Sarkisyanla Paşinyan arasında ciddi hörmət və yaxşı münasibət olmayıb”.
S.Hümbətovun sözlərinə görə, Armen Sarkisyan gözləyirdi ki, hansısa ciddi təkan olar və ölkədə yeni bir referendum keçirdilməklə ölkə prezident üsul idarəsinə qayıdar:
“Təbii ki, onun gözləntilərinin bir hissəsi reallığa çevrilməyə başladı. Amma Paşinyan başqa bir məsələ üzərindən referendum keçirməyi planlaşdırır. Bu, Türkiyə ilə münasibətlərin normallaşması üçün Konstitusiyada bəzi maddələrin dəyişdirilməsi, hətta Türkiyə ilə bağlı bəzi maddələrin oradan çıxarılması ola bilər. Hesab edirəm ki, Paşinyan öz partiyasının səs çoxluğundan istifadə edərək, özünə yaxın və sadiq qüvvələrin içindən bir nümayəndəni prezident seçilməsinə şərait yaradacaq. Bu da mahiyyət etibarilə Ermənistanda Paşinyan dönəminin uzun müddət davam etməsinə gətirib çıxarda bilər”.
LƏMAN
Versus.az
Xəbər lenti
Bu prospektdə avtomobillərin hərəkətinə məhdudiyyət qoyuldu
Yaranmış problemə görə məhdudiyyət tətbiq edilib