“Neftçi” autsayderlə qarşılaşacaq
Bu gün futbol üzrə Azərbaycan Premyer Liqasında XVIII tura start veriləcək.
Versus.Az xəbər verir ki, ilk oyun günündə iki matç keçiriləcək.
Öncə “Zirə” “Sumqayıt”ı qəbul edəcək. Mükafatçılar sırasına düşmək istəyən “qartallar” bu mövsüm qeyri-sabit çıxışı ilə diqqət çəkən “kimyaçılar”ı yenməyi hədəfləyibsə, Aleksey Baqanın komandası da qələbə qazanaraq toparlanmaq arzusundadır.
Günün ikinci matçında son çempion “Neftçi” autsayder “Səbail”lə üz-üzə gələcək. “Ağ-qaralar” büdrəməyi ağlından keçirmirsə, yaxşı mübarizə aparmasına rəğmən, “zirzəmi”dən qurtula bilməyən “dənizçilər” xal uğrunda mücadilə edəcək.
Azərbaycan Premyer Liqası
XVIII tur
5 mart
17:00 “Zirə” – “Sumqayıt”
Hakimlər: Rauf Allahverdiyev, Cavanşir Yusifov, Müslüm Əliyev, Əliyar Ağayev.
Bakı. Zirə İdman Kompleksinin stadionu
19:15 “Neftçi” – “Səbail”
Hakimlər: Kamal Umudlu, Kamran Bayramov, Vüsal Məmmədov, Tural Qurbanov.
Bakı. “Bakcell Arena”
Qeyd edək ki, sabah “Keşlə” – “Sabah” və “Qarabağ” – “Qəbələ” görüşləri ilə tura yekun vurulacaq.
Xəbər lenti
Minalarla mübarizə müzakirə edildi
Qarşılıqlı maraq doğuran digər məsələlər ətrafında fikir mübadiləsi aparılıb