Karate üzrə 21 yaşadək qızlar və böyüklərdən ibarət milli komandanın üzvləri Slovakiyanın paytaxtı Bratislavada 42-ci Qran-pri turnirindən üç mükafatla dönürlər.
Versus.Az xəbər verir ki, Xumar Əlibəyova (-50 kq) həm 21 yaşadək qızlar, həm də böyüklər arasında, İlahə Qasımova (-55 kq) isə böyüklərin yarışında bürünc medala sahib olublar.
Olimpiya mükafatçısı, dünya və Avropa çempionu İrina Zaretskaya (-68 kq) isə bürünc medal görüşündə qələbəni əldən verib və mükafat qazana bilməyib.
Qeyd edək ki, Bratislavada Qran-pri turnirində 10 idmançımız iştirak edib. Mötəbər yarışa 30 ölkədən 1975 karateçi qatılıb.