Daha bir partiyanın fəaliyyətinə xitam verildi
Bununla 11 partiyanın fəaliyyəti artıq dayandırılıb
Azərbaycan Respublikaçılar Partiyası fəaliyyətini dayandırıb.
Versus.az xəbər verir ki, bu barədə partiya bəyanat yayıb.
1999-cu ildə qeydiyyata alınan partiyaya Sübut Əsədov rəhbərlik edirdi.
Bununla da Azərbaycanda fəaliyyətinə son verən siyasi partiyaların sayı 11-ə çatıb.
Qeyd edək ki, bundan əvvəl Müstəqil Azərbaycan Partiyası, Azərbaycan Vahid Kommunist Partiyası, Azərbaycan Sosial Demokrat Partiyası (ASDP), Azərbaycan Liberal Demokrat Partiyası (ALDP), Milli Vəhdət Partiyası (MVP), Azərbaycan Sosial Rifah Partiyası (ASRP), Azərbaycan Naminə Alyans Partiyası (ANAP), Azərbaycan Təkamül Partiyası, Birlik partiyası və Azərbaycan Azad Respublikaçılar Partiyası öz hüquqi fəaliyyətlərinə xitam vermək barədə qərar qəbul ediblər.
Xəbər lenti
Bu xəstəlik “öpüş” və ya “öpücük” xəstəliyi də adlanır
Uşaqlar arasında yeni xəstəlik YAYILDI