Hikmət Babaoğlu: “Terorçulardan ikisinin Ermənistan vətəndaşı olması bir daha bunu sübut edir”

“Azərbaycan daha qəti addımlar ataraq geniş miqyaslı əməliyyatlar keçirdərək sülhü yaxınlaşdıra bilər”.

Versus.az xəbər verir ki, bunu açıqlamasında Milli Məclisin deputatı Hikmət Babaoğlu bildirib.

Deputat Azərbaycan ərazisində Ermənistanın 10 mindən çox cinayətkar hərbi dəstəsinin və terrorçularının olmasının dəqiqləşdirilmiş fakt olduğunu deyib. Onun sözlərinə görə, bir neçə gün əvvəl Azərbaycanın keçirdiyi "Qisas 2" əməliyyatı nəticəsində məhv edilən terorçulardan ikisinin Ermənistan vətəndaşı olması bir daha bunu sübut edir: 

“Azərbaycan ərazisində sülhün əldə olunmamasının səbəbi Azərbaycan ərazisində 10 mindən çox erməni silahlı birləşmələrinin olmasıdır və bu sülhə gedən yolda ciddi bir maneədir. 2 il yarım ərzində sülhün əldə olunmamasında əsas səbəb budur.  Ermənistan sülhü immitasiya edib, digər tərəfdən hərbi cəhətdən güclənərək işğal siyasətini davam etmək niyyətindədir”.

H.Babaoğlu Ermənistanın öhtəçiliyində iki məsələnin olduğunu deyib:

“Bunlardan biri erməni silahlılarının ərazilərimidən çıxarılması, ikincisi isə  kommunikasiyaların açılmasıdır.  Bu, sülh danışıqlarına qədər 2020-ci ildə Ermənistanın üzərinə götürdüyü öhtəlikdir. Bu öhtəlik yerinə yetirilmədiyi təqdirdə sülh danışıqlardan danışmaq qeyri realdır.Azərbaycan uzun müddətdir gözləyir, bir neçə əməliyyat keçidərək Ermənistn silahlı qüvvələrinin Azərbaycan ərazisində hərəkətini məhdudlaşıdırb. Amma bu azdır. Ən qısa zamanda Azərbaycan daha qəti addımlar ataraq geniş miqyaslı əməliyyatlar keçirdərək sülhü yaxınlaşdıra bilər”.

T.Qafarlı