Təbii fəlakətlər sərhəd tanımır
454 |
Sosial
Alimlərin proqnozuna görə, bütün ölkələrdə, eyni zamanda Avropa ölkələrində sel-daşqın hadisələrinin sayı 80 faiz artacaq.
Versus.Az xəbər verir ki, bunu ekologiya və təbii sərvətlər nazirinin müavini Umayra Tağıyeva nazirliyin feysbuk səhifəsində yayımlanan “Ekspert saatı”nda deyib.
“Ölkənin inkişaf səviyyəsindən asılı olmayaraq, təbii fəlakətlər sərhəd tanımır. Belə hadisələr bütün dünyada istər inkişaf etmiş, istər inkişafda olan, istər cənubda, istərsə də şimalda yerləşən ölkələrdə eyni intensivliklə və yaratdığı eyni fəsadlarla müşahidə olunur. Aralıq dənizi ölkələri bu ilin yay fəslində şiddətli yağıntılarla üzləşdilər, daşqınlar baş verdi. Alimlərin proqnozuna görə bütün ölkələrdə, eyni zamanda, Avropa ölkələrində sel-daşqın hadisələrinin sayı 80 faiz artacaq”, - deyə U.Tağıyeva qeyd edib.
Xatırladaq ki, Azərbaycan ərazisində 2023-cü ilin yay fəslində lokal leysan yağışları nəticəsində sel-daşqın hadisələri keçən ilin rekordunu 3 dəfə üstələyərək 147-yə çatıb.
Xəbər lenti
"Sosial işçilər həmin şəxsi tapıb ona yardım göstərsin"
"Öz vəzifə borcunu layiqincə yerinə yetirən məmurlar da var"
