Sevinc Osmanqızı REALı ittihamladı

Hazırda ABŞ-da yaşayan jurnalist Sevinc Osmanqızı özünün "facebook" səhifəsində qalmaqallı status yazıb.

Versus.Az xəbər verir ki, Real Partiyasının üzvlərini onu müdafiə etməməkdə qınayan S.Osmanqızı bunu REAL-çıların hakimiyyətlə gizli əlaqələrinin olması ilə əlaqələndirib. 

S.Osmanqızı Arif Yunusun bir müddət öncə bu mövzuda yazdığı bir statusu paylaşaraq, "Real"çılar barədə aşağıdakıları yazıb:

"Bu paylaşımı indi gördüm, amma keçiləsi deyil, paylaşıram. Öz aramızdı, mənim də məsələmdə hətta qatı llhamsevərlərdən belə "ayıbdır", "rəzillikdir", "Azərbaycan kişisi kimi xəcalət çəkirəm" kimi ürək yanğısı gördüm. Amma İlqar dostumuz başda olmaqla, bir Realçı da cınqırını belə çıxarmadı. Sanki belə də olmalıdır, jurnalistləri şantaj edirlər, etsinlər də...
Nə deyim vallah! Bəlkə, doğrudan da, bir vaxtlar "zoopark" dedikləri yerə düşmək üçün adamlıqdan çıxmalısan?".

Versus.Az