Sizin hökumətiniz illərdir evsizlik problemini həll edə bilmir

VÜSAL QARAYEV

Prezident İlham Əliyev deyib ki, bəzən ölkədəki vəziyyətlə bağlı doğru məlumatı mətbuatdan alır, çünkü ətrafındakılar ona düzgün məlumat çatdırmırlar. O zaman mən də Prezidentə yardımçı olum, ona bir məlumat verim...

Cənab prezident, ölkədə çox ciddi evsizlik problemi var. Bilmirəm sizə necə çatdırıblar, amma sosial ev layihəsi kirayədə qalan, orta əməkhaqqı alan vətəndaş üçün xəyal oldu...

İpoteka kreditlərinin şərtləri elədir ki, sadəcə yüksək gəlirli insanlar bundan yararlana bilərlər.

Uzun zamandır kirayə evlərin satışa çıxarılması məsələsini atıblar ortaya, amma əslində ortada heç nə yoxdur...

Ətrafınız sizə yəqin düzgün məlumat verməyib, sizin hökumətiniz illərdir evsizlik problemini həll edə bilmir.

Amma həll olunası ən vacib məsələlərdəndir bu.

İnanıram bu məsələylə ciddi məşğul olacaqsınız... Mütəmadi olaraq, yüksək məmnuniyyətlə sizə ölkədəki çatışmazlıqlar barədə məlumat verəcəm...

Hörmətlə, bir jurnalist...