"Orta ümumtəhsil müəssisələri haqqında" qanun layihəsi hazırlanır

Milli Məclisin Elm və təhsil komitəsinin növbəti iclasında “Orta ümumtəhsil müəssisələri haqqında” qanun layihəsini hazırlayacaq işçi qrupunun tərkibi müəyyən ediləcək.

Versus.Az xəbər verir ki, bunu Milli Məclisin Elm və təhsil komitəsinin bu gün keçirilən iclasında komitə sədri İsa Həbibbəyli deyib.

O qeyd edib ki, komitə “Orta ümumtəhsil müəssisələri haqqında” yeni qanun layihəsini hazırlamağa başlayır:

“Gələn iclasda qanun layihəsinin hazırlanması üçün işçi qrupunun tərkibini, vəzifələri müəyyən edəcəyik. Biz istəyirik ki, bu qrupda Təhsil Nazirliyinin, Bakı Şəhəri üzrə Təhsil İdarəsinin nümayəndələri, özəl məktəblərdən birinin direktoru və s. təmsil olunsun".

Komitə sədrinin sözlərinə görə, “Orta ümumtəhsil müəssisələri haqqında” qanun layihəsi artıq hazırlanmağa başlanılıb.

GÖZƏL
Versus.Az