Bakıda 2-ci İtaliya-Azərbaycan Beynəlxalq Film Festivalı keçiriləcək

4-7 mart 2020-ci il tarixlərində əsas məqsədi İtaliya və Azərbaycan kinematoqrafiyasının keçmişi, bu günü və gələcəyini təbliğ etmək olan İkinci İtaliya-Azərbaycan Beynəlxalq Film festivalı keçiriləcəkdir.

Versus.Az xəbər verir ki, festival İtaliya Respublikasının Azərbaycandakı Səfirliyi, Finlandiyanın Bakıdakı Fəxri Konsulluğu, “IMAGO Group” film istehsalı şirkəti, Venesiyanın Ca’ Foscari Universiteti, Azərbaycan Dillər Universiteti, Azərbaycan Dövlət Mədəniyyət və İncəsənət Universiteti, Cinema Plus və “United Cultures” ilə birgə əməkdaşlıq çərçivəsində Bakı şəhərində keçiriləcəkdir.

Dünyanın hər yerindən gələn aktyor və rejissorlar bu festivala qatılacaqlar. Festival çərçivəsində seminarlar, debatlar, məlumat və fikir mübadiləsi tədbirləri, iki ölkənin film sənayeləri arasında kommersiya mübadilələri həyata keçiriləcəkdir.

Ayəndə Dadaşova
Versus.Az