11 c sinif şagirdi Nərmin Muradova diplom və qiymətli hədiyyələrə layiq görülüb

Azərbaycanın dövlət müstəqilliyinin 100-cü ildönümü ölkəmizin hər yerində və onun hüdudlarından kənarda da qeyd olunur.

"Xocalı Soyqırımını Tanıtma" ictimai birliyinin sədri Şamil Sabiroğlunun Versus.Az-a verdiyi məlumata görə, artıq tədbirlərə start verilib. Əsasən tam orta məktəblərin şagirdləri və tələbə-gənclər xüsusi fəallıq göstərirlər. Belə şagirdlərdən biri də Bakının Binəqədi rayonundakı A.Məmmədov adına 115 nömrəli tam orta məktəbdə təhsil alan 11 c sinif şagirdi Nərmin Muradovadır. O, "Cümhuriyyətin işığı ilə 100 il" adlı müsabiqədə birinci yeri tutaraq diplom və qiymətli hədiyyələrə layiq görülüb.

Nərmin Muradovanı bu uğur münasibətilə təbrik edirik, gələcək işlərində yeni-yeni uğurlar arzulayırıq. Arzu edirik ki, Nərmin bu il tam orta məktəbi yüksək qiymətlərlə bitirib, ali məktəbə daxil olsun və bütün doğmalarını sevindirsin.