Millət vəkili QHT təşkilatları ilə görüşdə onları həqiqətlərimizin yayılmasında daha fəal olmağa çağırıb

İzmitdə keçirilən konfransda millət vəkili Qənirə Paşayeva Kocaeli Yazarlar və Şairlər Birliyi və Azərbaycan Dərnəkləri Federasiyası tərəfindən mükafata layiq görülüb.

Versus.Az xəbər verir ki, görüş zamanı millət vəkili Q.Paşayeva bildirib ki, Türkiyə nə qədər güclənərsə, bu, Azərbaycanın və bütün türk dünyasının gücü, Azərbaycan nə qədər güclənərsə bu Türkiyənin və bütün türk dünyasının gücüdür və türk dünyasının gücü onun birliyindədir. O, bu birliyin daha da gücləndirilməsində aydınlarımızın, yazarlarımızın və şairlərimizin üzəriə böyük vəzifələr düşdüyünü vurğulayıb.

Millət vəkili Q.Paşayeva həmçinin İzmir Türk Ocaqları, bir sıra tanınmış QHT, qadın və gənclər təşkilatları ilə də görüşüb və Azərbaycanla əməkdaşlığın artmasının vacibliyini vurğulayıb, türk dünyası birliyi istiqamətində geniş fikir mübadiləsi olub.

Q.Paşayeva həmçinin Türkiyənin bir sıra KİV-lərinə geniş müsahibələr verib. Millət vəkili İzmitdə təhsil alan azərbaycanlı tələbələrlə görüşüb və onları Qarabağ həqiqətlərinin yayılmasında daha fəal olmağa çağırıb.