QAT: Məcburi köçkünlər büdcə müzakirələrindən narazıdırlar
Məcburi Köçkünlərin Hüquqlarını Müdafiə Komitəsinin növbəti iclasında parlamentdə keçirilən büdcə müzakirələrindən ciddi narazılıq ifadə olunub.
Bu barədə Versus.Az-a Qarabağ Azadlıq Təşkilatının mətbuat xidmətindən bildirilib. Qeyd edilib ki, dondurulmuş əmək haqlarını ala bilməyən məcburi köçkünlər gələn ilin büdcəsinə onlara veriləcək vəsaitin daxil olunmasını tələb edirlər:
“Onlar müzakirələr gedən günlərdə Milli Məclisin qarşısında olublar. Parlamentin rəhbərliyinə, deputatlara, xüsusilə də Qarabağdan olan millət vəkillərinə müraciət ediblər. Təəssüf ki, hələlik bu müraciətlərin nəzərə alındığı hiss olunmur”.
Müdafiə Komitəsinin üzvləri Akif Nağı, Əlövsət Sadıqlı, Vidadi Turablı, Rasim Hüseynov və digərləri bir qrup məcburi köçkünlə görüşdə çıxış edərək bildiriblər ki, dondurulmuş əmək haqqı alan məcburi köçkünlərə qarşı haqsızlıq edilib, onlar aclıq təhlükəsi ilə üz-üzə qalıblar, dövlət başçısı bununla bağlı ölçü götürülməsi üçün tapşırıqlarını verməlidir.
“Məcburi köçkünlər haqlı tələblərində israrlıdırlar. Davamlı addımlarını atacaq, daha təsirli etiraz formalarından istifadə edəcək, Avropa İnsan Haqları Məhkəməsinə qədər gedəcəklər”- deyə məlumatda bildirilir.
İlahə
Versus.Az
Xəbər lenti
Sağlamlıq haqqında arayış elektron şəkildə VERİLƏCƏK
"Arayışlar sığorta çərçivəsində qarşılanmır"