Boks kralının doğum günüdür
Bu gün dünya şöhrətli boksçu Məhəmməd Əlinin doğum günüdür.
Sağ olsaydı əfsanəvi boksçu 80 yaşını qeyd edəcəkdi.
Əsl adı Kassius Martsellus Kley olan boksçu 1942-ci ildə Kentukki ştatının Luisvill şəhərində doğulub.
Kassius Kleyin həvəskar boksda ən böyük nailiyyəti 1960-cı il Olimpiadası ilə bağlıdır. Həmin yarışda 18 yaşlı boksçu çempion adını qazanıb. Həmin ildə də o, peşəkar boks karyerasına start verib. Məhəmməd Əlinin (bu adı o, 1975-ci ildə islamı qəbul etdikdən sonra götürüb - red.) rinqdə özünün yüksək sürəti və ayaqlarının fantastik hərəkətləri ilə seçilirdi.
Məhəmməd Əli üçqat dünya çempionu tituluna yiyələnən ilk ağırçəkili boksçu kimi tarixə düşüb.
M.Əli həmçinin, üç dəfə Mütləq Dünya Çempionu adına sahib olmuş yeganə boksçudur.
O, 1964-1966, 1974-1978-ci illərdə ağır çəkidə mütləq dünya çempionu olub. 1974-1978-ci illərdə WBC, 1967, 1974—1978, 1978-ci illərdə WBA versiyası üzrə dünya çempionu olmuşdur.
Qeyd edək ki, tənəffüsündə yaranan problem səbəbindən xəstəxanaya yerləşdirilən əfsanəvi boksçu Məhəmməd Əli 2016-cı il 4 iyun tarixində 74 yaşında ABŞ-da vəfat edib.
Xəbər lenti
DİN və ANAMA-dan mina təhlükəsi ilə bağlı MÜRACİƏT
"Məsuliyyətli olmağa və təhlükəli ərazilərə daxil olmamağa çağırırıq"