“Qalatasaray” və “Fənərbağça”nın sabiq futbolçusu Azərbaycanda
284 |
İdman
Türkiyə millisinin, “Qalatasaray” və “Fənərbağça”nın sabiq futbolçusu Tanju Çolak Naxçıvan Muxtar Respublikasına səfər edib.
Versus.Az xəbər verir ki, 58 yaşlı veteran hücumçunun səfəri Naxçıvan Futbol Federasiyasının ötən ay seçilmiş yeni sədri Vüqar Abbasovun dəvəti ilə gerçəkləşib.
O, Naxçıvan şəhərində Heydər Əliyev muzeyini ziyarət edib, mərkəzi stadionda və Uzunoba gölünün yanındakı süni örtüklü meydançası olan bazada olub. O həmçinin, AFFA Region Liqası çərçivəsində yerli “Araz-Naxçıvan” – “Şahbuz” matçına baxıb.
Onunla respublikamızda futbolun inkişafına dair 10 illik dövlət proqramı çərçivəsində danışıqlar və məsləhətləşmələr aparılacaq. Mütəxəssis öz təcrübəsini yerli məşqçilərlə bölüşəcək.
Qeyd edək ki, Tanju Çolak 1987-1991-ci illərdə “Qalatasaray”da çıxış edib və Türkiyə çempionatında 124 oyuna 116 qol vurub. Həmçinin, onun 1991-1993-cü illərdə “Fənərbağça” karyerası da var.
Xəbər lenti
DİN və ANAMA-dan mina təhlükəsi ilə bağlı MÜRACİƏT
"Məsuliyyətli olmağa və təhlükəli ərazilərə daxil olmamağa çağırırıq"
