Hücumçu qorxduğunu etiraf edib
Ürəyində yaranan ciddi problemlər səbəbindən karyerasını başa vuran “Barselona” və Argentina millisinin sabiq forvardı Serxio Aquero yeni açıqlama verib.
O qeyd edib ki, “Barselona”ya transfer olunanda azı iki il yüksək səviyyədə oynamaq niyyətində olub:
“Barselona”dan təklif alanda heç bir tərəddüd etmədim. Mən Messi ilə necə oynayacağımı, dünya çempionatına çıxacağımı təsəvvür edirdim. Ürəyimdə baş verənlər çox qəribə və gözlənilməz oldu. Həkimlər bunun nədən qaynaqlandığını bilmirlər və mən həqiqəti öyrənmək üçün araşdırmaları davam etdirəcəyəm. Bunun COVID-19 yaxud peyvənd nəticəsində əmələ gəldiyini təəssüf ki, heç vaxt öyrənə bilməyəcəyik”.
Futbolçu müsahibəsinin davamında qeyd edib ki, o, indi də meydana çıxmaq istəyir, amma qorxur:
“Mən bütün ömrüm boyu maksimum və yüksək rəqabət şəraitində məşq etmişəm. Futbola, xəbərlərə baxmıram, artıq nəyin baş verdiyi məni maraqlandırmır. Dostlarımla görüşmək, onlarla söhbət etmək ən sevdiyim işdir. Mənə dedilər ki, bəxtim gətirib, çünki infarkt keçirə bilərdim”.
Xəbər lenti
DİN və ANAMA-dan mina təhlükəsi ilə bağlı MÜRACİƏT
"Məsuliyyətli olmağa və təhlükəli ərazilərə daxil olmamağa çağırırıq"