Federer karyerasını başa vurdu
518 |
İdman
İsveçrəli tennisçi, Böyük Dəbilqə yarışlarının 20 qat qalibi Rocer Federer karyerasını başa vurduğunu açıqlayıb.
İdmançı sosial şəbəkələrdə onun son turnirinin sentyabrın 19-dan 25-dək Londonda keçiriləcək Leyver Kuboku olacağını bildirib.
41 yaşlı tennisçi səhhətinin artıq peşəkar tennisdə oynamağa imkan vermədiyini, lakin ara-sıra xüsusi matçlarda korta çıxacağını deyib.
Qeyd edək ki, Federer bütün zamanların ən yaxşı tennisçilərindən biri hesab olunur. O, karyerası ərzində 103 ATP titulunu qazanıb. İdmançı səkkiz dəfə Uimbldon (bütün zamanların rekordu), altı dəfə Avstraliya Açıq, beş dəfə ABŞ Açıq, bir dəfə isə Rolan Qarrosu qazanıb.
Xəbər lenti
Yol kənarındakı qanunsuz tikililər sökülüb
Qanunsuz tikintilərlə bağlı müvafiq tədbirlər davam edir
