“Böyük güclərin İranla bağlı öz planları var"-Açıqlama
“Rejimin nə vaxta qədər ömür sürəcəyi təkcə İranadakı proseslərdən asılı deyil”
Versus.az xəbər verir ki, bunu siyasi şərhçi, hüquqşünas Əli Mustafa İranda son vəziyyət və proseslərin hansı istiqmətdə inkişaf etməsi ilə bağlı açıqlamasında bildirib.
Ə.Mustafa qeyd edib ki, İranda davam edən etirazlar vəziyyəti getdikcə ağırlaşdıracaq. O, bildirib ki, İranda insanlara qarşı müxtəlif cəza tədbirləri görülür və bu da xalqın hiddətini artırmaqla, vəziyyəti bir qədər də gərginləşdirir. Onun fikrincə, Güney Azərbaycanda gedən proseslər də ümumİran etirazının bir hissəsidir.
“Artıq camaat Tehranda hökumət qüvvələrinin qərargahlarına hücumlar edir, yandırıcı butulkalardan istifadə edərək, dağıntılar törədirlər. Hətta Mədrəsələrə də belə hücumlar baş verir”.
Ə.Mustafa hesab edir ki, xalqın narazılığı əsasında rejimin nə vaxta qədər ömür sürəcəyi təkcə İranadakı proseslərdən asılı deyil. Bu, böyük mənada mövcud vəziyyəti yaradan qüvvələrin ssenarisindən də asılıdır.
“Rejimin dağılmasına, böyük güclərin İranla bağlı hansı planları, hansı gözləntilərinin olması kontekstində baxmaq lazımdır. Məncə prosesin bir hissəsi İranın içərisində, bir hissəsi isə qıraqda gedir. 2023-cü ildə İrana qarşı qonşu dövlətlərin qarşıdurmaları da gözləniləndir. İran və Rusiya bu dönəm üçün hədəfdədir və gec-tez onların ikisi də dəyişəcəkdir. Yəqin ki, ilk növbədə rejimlər gedəcək və Rusiya da, İran da dövlət olaraq dəyişəcək”.
Ləman
Versus.az
Xəbər lenti
MHB-nin Göyçay rayon təşkilatı təsis olundu
Təşkilatın üzvlərinə üzvlük vəsiqələri verildi