Mədəaltı vəzinin yaxşı işləmədiyinin 3 əlaməti

10:30 13-04-2023 | 255 | Sağlamlıq

Mədəaltı vəzinin işləməməsini 3 əsas əlamətlə təyin etmək olar.

Həkim qastroenteroloq – hepatoloq Serqey Vyalov zədələnmiş mədəaltı vəzinin uzun müddət nəzərə çarpan simptomlar göstərə bilmədiyi barədə xəbərdarlıq edib.

Mədədə problem olduqda, uzun müddət ağrı və ya narahatlıq hiss olunmur: insan yağlı qidalardan, spirtli içkidən sonra özünü pis hiss etməyə bilər.

Buna baxmayaraq, mədəaltı vəzi patologiyaya məruz qalırsa və öz funksiyalarını lazımi dərəcədə yerinə yetirmirsə, xəstələr bir gün xoşagəlməz simptomlarla üzləşirər. Bu gözlənilməz kəskin pisləşmə ilə özünü büruzə verir.

Mədəaltı vəzi həzm üçün lazım olan fermentləri ifraz edə bilməyəndə simptomlar görünməyə başlayır: mədə ağrıyır, şişir, nəcislə bağlı problemlər yaranır.

Həzm işində belə bir dəyişiklik mədəaltı vəzinin toxumalarının geniş zədələnməsi üçün xarakterikdir.

Bir insan normadan çox yedikdə, mədəaltı vəzinin tükənməsi səbəbindən fermentləri yetərli olmaya bilər. Yemək həzm olunmur və qarın şişir.

Həkimin sözlərinə görə, mədəaltı vəzi xəstəliklərinin ən çox yayılmış səbəblərindən biri həddindən artıq çox yeməkdir.