Voleybol üzrə qadınlar arasında Azərbaycan çempionu bəlli oldu

19:12 18-04-2023 | icon 205 | İdman
Voleybol üzrə qadınlar arasında Azərbaycan çempionu bəlli oldu

Voleybol üzrə qadınlar arasında Azərbaycan çempionu bəlli oldu. Bu gün Voleybol Mərkəzində üçüncülük uğrunda və finalın son qarşılaşmaları keçirilib.


Versus.az xəbər verir ki, İlk olaraq meydana bürünc medal üçün yarışan "Murov" və UNEC kollektivləri çıxıblar. Cütün ilk iki matçında quru hesabla qələbə qazanmış "Murov" bu görüşə də yaxşı başlayıb. İlk setdən üstün oyun nümayiş etdirən Vüqar Əliyevin yetirmələri meydandan 3:0 (25:19, 25:15, 25:16) hesablı qələbə ilə ayrılıb. Bununla da "Murov" Yüksək Liqanın bürünc medalına sahib çıxıb. UNEC isə ölkə birinciliyini dördüncü pillədə başa vurub.
Günün növbəti görüşü çempionluq uğrunda mübarizə aparan "Azərreyl" və "Abşeron" klubları arasında olub. Bu komandaların ilk iki qarşılaşmasında "Azərreyl"in quru hesablı qələbəsi qeydə alınmışdı. Qızıl medal şansını davam etdirmək üçün "Abşeron" bu matçda mütləq qalib gəlməli idi. Oyuna daha yaxşı başlayan "Azərreyl" Famil Ağayevin yetirmələrinin ciddi müqavimətilə üzləşib. Bununla belə komanda təşəbbüsü əldən verməyib və 3:0 (25:16, 25:18, 25:15) hesabı ilə qalib gəlib. Beləliklə, finalın hər üç matçında rəqibini məğlub edən "Azərreyl" Azərbaycan çempionu adını qazanıb. "Abşeron" isə Yüksək Liqanın gümüş medalı ilə kifayətlənməli olub.


Beləliklə, 2022/2023 illər mövsümündə ölkə birinciliyinin qalibi "Azərreyl" olub, ikinci və üçüncü yerləri müvafiq olaraq "Abşeron" və "Murov" klubları tutublar. UNEC isə çempionatı dördüncü pillədə bitirib.
Qeyd edək ki, qadın komandaların mükafatları kişilərin çempionatı başa çatdıqdan sonra eyni gündə təqdim olunacaq.

Yüksək Liqa
18 aprel
3-cü
Final
"Azərreyl" - "Abşeron" 3:0 (25:16, 25:18, 25:15)
Bürünc medal uğrunda
"Murov" - UNEC 3:0 (25:19, 25:15, 25:16)

1-ci oyunlar
Final
"Azərreyl” - “Abşeron” 3:0 (26:24, 25:22, 25:13)
Bürünc medal uğrunda
"Murov" - UNEC 3:0 (25:14, 25:12, 25:16)

2-ci oyunlar
Final
"Abşeron" - "Azərreyl" 0:3 (19:25, 20:25, 22:25)
Bürünc medal uğrunda
UNEC - "Murov" 0:3 (11:25, 14:25, 9:25)

Xəbər lenti

InvestAZ

Ən çox oxunan xəbərlər

Laçın şəhərinə getmək istəyənlərə ŞAD XƏBƏR

İqtisadi tarazlıq nə zaman pozulur?

Adı Azərbaycan kino tarixində əbədi yaşayacaq...

Tarixi dostluq və mehriban qonşuluq

Parlament seçkiləri bu tarixdə keçiriləcək

“Qardaş ölkələrlə münasibətlər inkişaf edir”

Parlament seçkisi ilə bağlı daha bir ANONS

COP29-a hazırlığın fəal MƏRHƏLƏSİNDƏ...

RAYS Azərbaycanda piratçılığa qarşı: Hamı ödəməli olacaq!

Xocalıda insan qalıqları AŞKAR EDİLİB

"Quru sərhədinin açılması ilə bağlı məqam hələ yetişməyib"

Elmira Süleymanova dəfn olundu

MDU-da ustad dərsləri

Qərbi Azərbaycan İcmasından ABŞ Dövlət Departamentinə CAVAB

Tanınmış bəstəkara həsr olunmuş KATALOQ