Bərdədə mikroavtobusla minik avtomobili toqquşub

Bərdədə iki nəfərin xəsarət alması ilə nəticələnən yol-nəqliyyat hadisəsi baş verib.

 

Hadisə Ağdam-Bərdə yolunun Şirvanlı kəndindən keçən hissəsində qeydə alınıb.

 

10-XB-318 dövlət qeydiyyat nişanlı “Mercedes Benz” markalı mikroavtobusla 09-BK-019 dövlət qeydiyyat nişanlı VAZ-2104 markalı minik avtomobili toqquşub.

 

Hadisə nəticəsində iki nəfər Bərdə rayon Uğurbəyli kənd sakinləri - 1966-cı il təvəllüdlü Sevda Şükür qızı Məhərrəmova və 1961-ci il təvəllüdlü Cəmilə Mösum qızı Məhərrəmova xəsarət alıblar. Onlar Bərdə Rayon Mərkəzi Xəstəxanasına yerləşdiriliblər.

 

Faktla bağlı araşdırma aparılır.