Məhəmməd Əsədullazadə: "Qərblə Rusiya arasında nüfuz uğrunda savaş gedir"

"Çox təəssüf ki, ABŞ, Qərb koalisiyası Ukraynaya qırıcı təyyarələri və uzaqmənzilli raketləri verməkdə tələsmir. ABŞ nə Ukraynanın qalib gəlməsini, nə də Rusiyanın tamam məğlub olmasını istəmir. ABŞ -ın Ukrayna üzərindən yeni bir siyasi nizamın qurulması ilə bağlı strateji planı var. Ona görə də Rusiyanı zəiflədir".

Versus.Az xəbər verir ki, bunu politoloq Məhəmməd Əsədullazadə Qərbin və ABŞ-ın Ukraynaya xəyanət etməsi ilə bağlı Qərbin aparıcı tədqiqat mərkəzlərində gedən məqalələr kontekstində bildirib.

M.Əsədullazadə bununla yanaşı ABŞ-ın Ukraynaya xəyanət etməsini, bu müharibənin Ukraynanın parçalanmasına aparacağını düşünmür. Onun fikrincə bu, Rusiyanın geosiyasi mövqelərinin güclənməsi, Avropa, Qərb NATO üzərində qələbə əldə etməsi ilə nəticələnə bilər:

"Bu da postsovet məkanənın bərpası ola bilər. Ona görə də Ukrayna müharibəsi uzun çəkir, Ukaraynanın lokal hücumları olsa da, ciddi nəticə vermir. Rusiya ciddi müdafiə sistemi qurub. Rusiya Müdafiə sənayesi müharibə qaydalarına uyğun yenidən formalaşıb.

Rusiya-Ukrayna müharibəsi geopolitik müharibədir. Qərblə Rusiya arasında nüfuz uğrunda savaş gedir. Rusiya əvvəlki statusunu qaytarmaq, Şarqi Avropanı, postsovet məkanını yenidən nəzarətə götürmək istəyir. Amma Qarb koalisiyası bunun qarşısını alır. Ona görə də Rusiya və Qərb Ukraynadad toqquşdu".

Ekspert eyni zamanda qeyd edib ki, Rusiyanın müdafiə ehkamları qurması heç də onun müdafiə sistemini gücləndirməsi anlamına gəlmir:

"Rusiya bu müharibədə daxildən də parçalanmaqdadır.  Biz yaxın zamanlarda bunun müəyyən nəticələrinin şahidi olacağıq".

SEVDA
versus.az