Təhsil tələbə kreditlərinin verilməsi ilə bağlı yeniliklər gözlənilir

Təhsil tələbə kreditlərinin verilməsi ilə bağlı bir sıra yeniliklər nəzərdə tutulub.

Versus.Az xəbər verir ki, əldə etdiyi məlumata görə, bu barədə təkliflər Təhsil Tələbə Krediti Fondu tərəfindən Himayəçilik Şurasına təqdim olunub.

Məlum olduğu kimi, tələbə Təhsil Tələbə Krediti Fondunun standart paketindən istifadə edərkən 20% ödəniş etməli idi, bundan sonra 20% ödəniş ləğv edilə bilər.

Həmçinin, startaplarda iştirak edən tələbələrin kredit borcunun bağlanması da nəzərdə tutulur.

Tələbələrin ən çox əziyyət çəkdikləri kirayə ev tapmaq, kirayə pulunu ödəmək kimi problemin də aradan qaldırılması üçün müəyyən addımların atılacağı, tələbənin kirayə və nəqliyyat pulunun müəyyən hissəsinin ödəniləcəyi nəzərdə tutulur.

Qeyd edək ki, yeniliklərin qüvvəyə minməsi üçün Nazirlər Kabineti müvafiq qərar qəbul etməlidir.