"Zəfər seçkisində də zəfəri o qazanacaq"
Hafiz Hacıyev məhz ona səs verdi
Müasir Müsavat Partiyasının (MMP) sədri, dörd dəfə Prezidentliyə namizəd olan Hafiz Hacıyev Prezident seçkilərində iştirak edib.
Versus.Az xəbər verir ki, MMP sədri 8 saylı Binəqədi birinci seçki dairəsinin 31 nömrəli məntəqəsində səs verib.
H.Hacıyev seçki ilə bağlı təəsüratlarını da bölüşüb:
"Prezidentliyə layiq şəxs Azərbaycanın ərazi bütövlüyünə nail olan cənab İlham Əliyevdir. İnanıram ki, Zəfər seçkisi kimi dəyərləndirdiyimiz bu seçkidə xalq məhz zəfər liderinə - cənab İlham Əliyevə səs verəcək".
Qeyd edək ki, Azərbaycanda bu gün növbədənkənar prezident seçkiləri keçirilir.
Seçkilərdə hakim Yeni Azərbaycan Partiyasının prezidentliyə namizədi İlham Əliyev, namizədliyi özü tərəfindən irəli sürülən Zahid Oruc, Milli Cəbhə Partiyasının prezidentliyə namizədi Razi Nurullayev, Böyük Quruluş Partiyasının prezidentliyə namizədi Fazil Mustafa, Böyük Azərbaycan Partiyasının prezidentliyə namizədi Elşad Musayev, Bütöv Azərbaycan Xalq Cəbhəsi Partiyasının prezidentliyə namizədi Qüdrət Həsənquliyev və namizədliyi özü tərəfindən irəli sürülən Fuad Əliyev mübarizə aparır.
PƏRİ
versus.az
Xəbər lenti
Yol kənarındakı qanunsuz tikililər sökülüb
Qanunsuz tikintilərlə bağlı müvafiq tədbirlər davam edir