MMP "Ana harayı" abidəsini ziyarət etdi

Müasir Müsavat Partiyasının üzvüləri Xocalı soyqırımı qurbanlarının xatirəsini yad etmək üçün bu gün "Ana harayı" abidəsini ziyarət ediblər.

Versus.Az xəbər verir ki, bu barədə Müasir Müsavat Partiyası soyqırımla bağlı bəyanat yayıb.

Bəyanatda bildirilir:

"Bu gün Xocalı soyqırımının 32-ci ilidir. Xalqımız, bütün dünya azərbaycanlıları bu günün qurbanlarını hüzünlə yad edir, şəhidlərə Allahdan rəhmət diləyir.

Xocalı soyqırımı qurbanlarının qanı yerdə qalmadı. Azərbaycan bayrağı bu gün Xocalıda dalğalanmaqdadır. Ancaq erməni yalanları hələ də susmaq bilmir. Bu o deməkdir ki, biz onlara cavab verməliyik və mübarizəmizi davam edəcəyik. Bunlar cavabsız qalmamalıdır. Ermənistanın yalanlarına əsaslanıb Azırbaycana diş qıcayanlar da cavablarını almalıdır.

MMP olaraq bəyan edirik ki, hər bir erməni yalanı ifşa olunmalı, Xocalı soyqırımı törədənlər cəzalandırılmalıdır.

Allah şəhidlərimizə rəhmət eləsin, ruhları şad olsun".

Versus.Az