"Xocalı faciəsi: bu qan yerdə qalmadı” - ELMİ KONFRANS
Mingəçevir Dövlət Universitetində "Xocalı faciəsi: bu qan yerdə qalmadı” mövzusunda elmi konfrans keçirilib.
Versus.az xəbər verir ki, Elmi konfransda Xocalı soyqırımı qurbanlarının və bütün şəhidlərimizin əziz xatirəsi bir dəqiqəlik sükutla yad edilib.
Daha sonra soyqrımdan bəhs edən videoçarx izlənilib.
Rektor Şahin Bayramov konfransda Xocalı soyqırımı haqqında geniş nitq söyləydi. Xocalı faciəsi insanlığa qarşı cinayət və erməni vandalizminin nümunəsi kimi xarakterizə edildi. Soyqırıma hüquqi-siyasi qiymətin Ümummilli Lider Heydər Əliyev tərəfindən verildiyi vurğulandı və Müzəffər Ali Baş Komandanımızın qətiyyəti və rəşadətli ordumuzun şücayəti sayəsində hazırda Xocalıda quruculuq işlərinin aparılmasının hər birimizə sonsuz qürur hissləri yaşatdığı diqqətə çatdırıldı.
Konfransda MDU müəllimləri “Soyqırım – sosial-kulturoloji anlayış kimi”, “Ermənilərin tarixi torpaqlarımızda törətdiyi soyqırımlar qan yaddaşımızdır”, “Azərbaycanın əfsanə və rəvayətlərində soyqırım və milli yaradılış məsələsi” və “Böyük Qayıdışın yeni ünvanı – Xocalı!” mövzusunda məruzələr etdilər.
Xəbər lenti
Utandıran XƏSTƏLİK
Bu hallar sekssomniya kimi tanınan yuxu pozğunluğu ilə əlaqədardır