“4 kəndin qaytarılması faktı Qərbin bu niyyətlərini də gözündə qoydu”
Rəşad Bayramov: "Tərəflər kənar müdaxiləsiz müsbət nəticənin mümkünlüyünü ortaya qoydu"
“Qazağın anklav olmayan 4 kəndinin hər hansı qarşıdurma və güllə atılmadan qaytarılması Azərbaycanın hərbi gücünün göstəricisidir. Ermənistan Azərbaycanın gücünü hiss etməsəydi həmin kəndlərin danışıqlar yolu ilə qaytarılmasından imtina edərdi”.
Versus.Az xəbər verir ki, bunu politoloq Rəşad Bayramov 4 kəndin qayratılması ilə bağlı açıqlamasında bildirib.
Politoloq Ermənistanın danışıqlardan yayınmaq üçün bir sıra təxribatçı addımlara əl atdığını qeyd edib. Bildirib ki, Ermənistan Azərbaycanın sərhəd boyunca təxribatlar törədib qarşıdurma yaratmağa və danışıqlardan yayınmaq üçün bəhanə axtarmağa səylər göstərdi:
“Amma Azərbaycan həmin təxribatlardan yan keçib, ərazilərin danışıqlar yolu ilə qaytarılmasına nail ola bildi. Əsas məqam odur ki, tərəflər kənar müdaxilə olmadan daha tez müsbət nəticəyə nail oluna biləcəyini ortaya qoydu. Azərbaycanın təklif etdiyi kimi danışıqlar yalnız Azərbaycanla Ermənistan arasında keçirilirdi. Digər tərəfdən, Brüssel görüşündən sonra Qərb Azərbaycan Ermənistan arasında yeni gərginlik yaratmaq və bu fonda öz maraqlarını təmin etmək üçün maraqlı idi. 4 kəndin qaytarılması faktı Qərbin bu niyyətlərini də gözündə qoydu”.
SEVDA
versus.az
Xəbər lenti
Xətai rayon prokurorluğunda “Yaşıl dünya üçün hüquqi yeniliklər”
Ətraf mühitin mühafizəsi, habelə prokurorluq orqanlarının fəaliyyəti ilə...