Məşədi İbadla hambala heykəl qoyuldu - FOTO

18:09 05-07-2020 | icon 1589 | Mədəniyyət
Məşədi İbadla hambala heykəl qoyuldu - FOTO

Sabunçu rayonunun Balaxanı kəndinə aparılan abadlıq işləri yerli sakinlərdə xoş ovqata səbəb olub. 



Versus.az
 xəbər verir ki, kəndin bəzi küçələrinə daş döşənməsi Balaxanıda gözoxşayan mənzərə yaradıb.



Qeyd edək ki, Bakıda küçələrə daş döşənməsinin qədim tarixi var. Hələ 1800-cü illərin ortalarında Bakının məşhur Xəzri keləyi əsdiyi zaman (bu bəzən həftələrlə davam edirdi) küçələrdə tozanaqdan göz açmaq olmurdu. Arabaların, faytonların çarxlarından qalxan toz buludları adamların üst-başını, evlərin pəncərələrini boz bir pərdəyə bürüyürdü. Burulğan kimi burulan külək qarşısına çıxan hər şeyi qabağına qatıb sovururdu. Məhz o zamanlar tozanağın qarşısını almaq küçələrə daş döşəməyə başladılar. Bu ənənə sonralar da davam etdirildi...


Abadlıq işləri çərçivəsində Balaxanıda daha bir yenilik Üzeyir Hacıbəylinin məşhur operettasının motivləri əsasında çəkilmiş “O olmasın, bu olsun” filmindən tanıdığımız Məşədi İbada və hambala heykəl qoyulmasıdır.

 

Az qala 70 ilə yaxındır ki, Məşədi İbadın adı, sözü-söhbəti, məzəli, rişxəndli, ibrətli zərbi-məsəlləri, canlı bənzətmələri, heç vaxt yersiz, köhnəlmiş görünməyən kəlamları dilimizin əzbəridir.



1956-cı ildə çəkilən film o vaxtdan bu yana öz dəyərini qoruyub saxlamaqdadır. Təbii ki, “O olmasın, bu olsun” filmində səslənmiş və bu gün də dillər əzbəri olan və yeri gələndə işlətdiyimiz sitatların əksəriyyəti əsas obraz Məşədi İbadla bağlıdır...



Filmdən dillərə düşən “Heç hənanın yeridi?”, “...baxım görüm mal necə maldı”, “Mən özüm “Tarixi-nadir” kitabını yarıya qədər oxumuşam, amma sənin dediyini anlamıram. Bu bisavdlar hardan başa düşsün?!”, “Mənim bir eybim varsa, o da eyibsizliyimdir”, “Hazır gəlim, yoxsa?..”, “Yaxşı bəs, hamampulunu kim verəcək?”, “Babalı Sərvərin boynuna”, “Qızın iki adaxlısı var”, “...bu ehsan deyil...” kimi sitatlər hələ də yeri gələndə tez-tez işlədilir...

 



Balaxanının yeni küçələri İçərişəhərin dolambaclı yollarını xatırladır...

Xəbər lenti

InvestAZ

Ən çox oxunan xəbərlər

“Azərbaycanın beynəlxalq aləmdə dostlarının sayı artmaqda davam edir”

Qardaş ölkə və strateji tərəfdaş

Xarici kəşfiyyat orqanlarının şəbəkələri AKTİVLƏŞİB

“Azərbaycana qarşı qərəzli mövqeləri ilə Ermənistanı şirnikləndirmək istəyirlər”

“Makronda beynəlxalq hüququ dəstəkləyən siyasi şüur yetərli deyil”

“Müqavilənin vaxtı bitib” adı altında işdən azad olunanlar...

"Həmən 80 manat cərimələmək doğru yanaşma deyil"

"Laçınsız günlər" xatirə gündəlikdən - 1988-ci ilin noyabr ayı

Prezidentin XI Qlobal Bakı Forumunu əhəmiyyətli edən çıxışı

MMP Parlament partiyası ola bilər

MDU və AHBVÜ-nün təşkilatçılığı ilə 5-ci beynəlxalq elmi konfrans keçiriləcək

“Koroğlu”dakı Nəqliyyat Mübadilə Mərkəzi söküləcək?

Rusiya Fransanı ciddi qəbul etmir?

Fransanın başqa dövlətlərdə gərginlik yaratmaq SSENARİSİ

Ramazan ayının dördüncü gününün imsak, iftar və namaz vaxtları