Kitabı həmin kitabxanaya gənc müğənni Allahverən Pərvizoğlu təqdim edib

Lənkəranın ictimai-siyasi həyatında fəal iştirak edən, gənc müğənni Allahverən Pərvizoğlu AJB üzvü, gənc şair-publisist Sevindik Nəsiboğlunun sayca 7-ci olan "Ulu Öndərin işığında" adlı kitabını həmin kitabın müəllifi adından Lənkəran Mərkəzi Kitabxanasına təqdim edib.

Versus.Az xəbər verir ki, təqdimetmə mərasimində Lənkəran Mərkəzləşdirilmiş Kitabxana Sisteminin direktoru vəzifəsini icra edən Arzu Rufullayeva bildirib ki, kitabxana fondunda gənc şair-publisist Sevindik Nəsiboğlunun 7 kitabı var və bu kitablar oxucular tərəfindən sevə-sevə oxunur.

Arzu Rufullayeva "Ulu Öndərin işığında" kitabının işıq üzü görməsi münasibətilə Sevindik Nəsiboğlunu təbrik edərək ona yaradıcılıq uğurları arzulayıb və Allahverən Pərvizoğludan təbrikini gənc şair-publisist Sevindik Nəsiboğluna çatdırmağı xahiş edib.

Qeyd edək ki, gənc şair-publisist Sevindik Nəsiboğlunun 7 kitabı Lənkəran Mərkəzləşdirilmiş Kitabxana Sisteminin Oxu sərgisində yerləşdirilib.

Versus.Az