DADP İlham Əliyevin təbliğat-təşviqat işlərinə başlayıb
Partiyanın İdarə Heyətinin növbəti iclası keçirilib
Demokratik Azərbaycan Dünyası Partiyasının (DADP) İdarə Heyətinin növbəti iclası keçirilib. İclasda 11 aprel 2018-ci il tarixində ölkəmizdə keçiriləcək prezident seçkiləri ilə bağlı məsələlər əsas müzakirə obyekti olub və bununla bağlı partiyanın mövqeyi formalaşdırılıb, zəruri qərarlar qəbul edilib.
Demokratik Azərbaycan Dünyası Partiyasının (DADP) mətbuat xidmətindən Versus.az-a verilən məlumata görə, DADP-nin sədri Əlisahib Hüseynov iclasın gündəliyinə daxil olan məsələ barədə məlumat verib. Partiya sədri qeyd edib ki, prezident seçkiləri ölkəmizin ictimai-siyasi həyatında ən mühüm hadisə hesab edilir və bu baxımdan Demokratik Azərbaycan Dünyası Partiyası da artıq öz seçimini edib:
"Biz Demokratik Azərbaycan Dünyası Partiyası olaraq birmənalı şəkildə hazırki prezident İlham Əliyevin namizədliyini dəstəkləyirik və Azərbaycandakı ictimai-siyasi sabitliyin, əminamanlığın bundan sonra da davam etməsini istəyən hər kəsi məhz İlham Əliyevə səs verməyə çağırırıq".
İclasda çıxış edən digər natiqlər İlham Əliyevin namizədliyinin dəstəklənməsi üçün yerlərdə təbliğat və təşviqat işlərinin aparılmasının vacibliyini vurğulayıblar. Bu məqsədlə də Sumqayıtda, Gəncədə, Qubada, Cəlilabadda, Abşeronda və digər yerlərdə DADP rayon təşkilatlarının fəallarının, eləcə də yerli sakinlərin iştirakı ilə Prezidentə dəstək toplantılarının keçirilməsi təşəbbüsü irəli sürülüb. İlk toplantının Abşeron rayonunda keçirilməsi qərara alınıb. Növbəti toplantı isə Quba rayonunda keçiriləcək. Toplantı iştirakçıları eyni zamanda 31 Mart soyqırımı qurbanlarının kütləvi məzarlığını da ziyarət edəcəklər.
DADP İdarə Heyətinin iclası konstruktiv, səmimi müzakirələr şəraitində keçib və yekdillik nümayiş etdirilib.
ARZU
Versus.Az
Xəbər lenti
Bölgələrdə mənzillər BAHALAŞDI
Bahalaşmadan sonra satışda nisbətən durğunluq yaşanır