379 |
İdman
“Həm güllə, həm də stend atıcılığı üzrə Respublika çempionatı bizə atıcılıq idmanında yeni nəslin yetişməsi barədə yüksək ümidlər verdi”.
Bunu Azərbaycan Atıcılıq Federasiyasının vitse-prezidenti, müstəqil ölkəmizə ilk olimpiya qızılı qazandırmış Zemfira Meftahəddinova ölkə kuboku yarışlarının nəticələrini şərh edərkən bildirib.
Mayın 12-dən başlayan 4 günlük yarışlarda müxtəlif bölgələrimizdən olan gənclər stend atıcılığı üzrə ölkə kubokunu qazanmaq uğrunda mübarizə aparıblar.
Ölkənin müxtəlif rayonlarını təmsil edən gənclər stend atıcılığının səngər və dairəvi növlərində kişilər, qadınlar və qarışıq komanda kateqoriyalarında yarışıb. Yarışda 15 idmançı müxtəlif kateqoriyalarda fərqlənərək, diplom və təltiflərlə mükafatlandırılıb.
|
Növün adı |
I yer |
II yer |
III yer |
|
|
Fərdi |
||||
|
Səngər stendi (kişilər) |
Quliyev Əlimirzə |
Hüseynli Əli |
Ağazadə Mirmömin |
|
|
Səngər stendi (qadınlar) |
Camalova Aydan |
Rəfixanova Alina |
Eyvazova Ülviyyə |
|
|
Dairəvi stend (kişilər) |
Ağazadə Niyaz |
Qurbanov Fuad |
Həsənov Cavid |
|
|
Dairəvi stend (qadınlar) |
Cəfərova Nurlana |
Meftahəddinova Riqina |
Nəcəfova Sevda |
|
|
Qarışıq komanda |
||||
|
Səngər stendi |
Quliyev Əlimirzə, Əmrahova Şəfəq |
Ağazadə Mirmömin, Babayeva Aydan |
Hüseynli Əli, Camalova Aydan |
|
|
Dairəvi stend |
Qurbanov Fuad, Cəfərova Nurlana |
Həsənov Cavid, Meftahəddinova Riqina |
Mustafayev Əli, Nəcəfova Sevda |
|
“Atıcılıq idman növünün özünəməxsus xüsusiyyətlərindən biri də bu yarışla məşğul olmaq üçün uşaq vaxtlarından başlamağın lazım olmamasıdır. Belə üstünlük bizə imkan verir ki, yeniyetmələrimiz arasında bu istiqamətdə istedad və bacarığı olanları aşkarlayıb, ölkəmizi beynəlxalq yarışlarda təmsil etməyə hazırlayaq” – Zemfira Meftahəddinova belə deyib.
“Atıcılıq təkcə idman növü deyil, həm də diqqət, səbr və məqsədə gedən yolu doğru hədəfləyən vərdişlər toplusudur. Biz gənclərimizi bu sahəyə cəlb etməklə, onlarda həm də bu xüsusiyyətlərin möhkəmlənməsini arzulayırıq” – bunu Federasiyanın baş katibi Emin Cəfərov bildirib.
Qeyd edək ki, Respublika Kuboku yarışlarının qaliblərindən ibarət komanda ölkəmizi mayın 27-dən iyunun 7-dək Bakı Atıcılıq Mərkəzində keçiriləcək Dünya kuboku yarışlarında təmsil edəcək.
