Misir 8 ilik fasilədən sonra yenidən yay vaxtına keçir

Misir hakimiyyəti çərşənbə günü bu ilin aprel ayının sonunda yay vaxtına keçməyə qərar verib.

Bu barədə ölkə hökumətinin mətbuat xidməti məlumat yayıb.

“Misir hökuməti yay vaxtına keçid sisteminin bərpası ilə bağlı qanun layihəsini təsdiqləyib”, - Nazirlər Kabinetinin mətbuat xidmətinin açıqlamasında deyilir.

İndi, hər təqvim ilinin aprel ayının son cümə günündən oktyabrın sonuncu cümə axşamına qədər Misirdə yay vaxtına keçid sistemi tətbiq olunacaq.

Bu qərar “iqtisadi şəraitə və qlobal iqtisadiyyatda baş verən ümumi dəyişikliklərə əsaslanaraq, həmçinin ölkə hökumətinin Misirdə elektrik enerjisindən istifadənin rasionallaşdırılması səylərinə uyğun olaraq” qəbul edilib”, - məlumatda deyilir.

Qeyd edək ki, Misirdə yay vaxtına keçid sistemi sonuncu dəfə səkkiz il əvvəl ləğv edilib.