“Həmin kəndlər şərtsiz Azərbaycan qaytarılacaq”
Kamilə Əliyeva: "Bu istiqamətdə yaxın zamanda müsbət addımlar atılacaq”
Milli Məclisin deputatı Kamilə Əliyeva Vətən Müharibəsindən sonra ölkə başçısının rəhbərliyi ilə Ermənistana regionda sülh sazişinin bağlanması təşəbbüsü ilə 5 baza prinsipi təqdim etdiyini xatırladıb.
Versus.Az xəbər verir ki, 5 prinsipdən birinin sərhədlərin delimitasiya və demorkasiyası bağlı olduğunu vurğulayan deputat ilk vaxtlar Ermənistan rəhbərliyinin məsələyə adekvat yanaşaraq, bu məqsədlə Rusiya, Azərbaycan və Ermənistan baş nazirləri səviyyəsində komissiya yaradıldığını qeyd edib:
“Komissiya sərhədlərin delimitasiyası ilə bağlı müzakirələr aparsa da, sonralar Ermənistan rəhbərliyi Qərbdəki, xüsusilə Fransadakı ağalarının təzyiqi ilə danışıqları davam etdirmədi. Ermənistanın baş naziri qərbdəki havadarlarının diqtəsi ilə hərəkət edir. Ermənistan reallığı qəbul etmir, sərhədlərin delimitasiyasını zəruriliyini anlamır”.
K.Əliyeva son günlər yenə də Ermənistan tərəfindən müsbət siqnalların gəldiyini bildirib:
“İkisi anklav olmaqla Tovuzun 7, Naxçıvanın 1 kəndi hələ də Ermənistanın nəzarətindədir və həmin kəndlər şərtsiz Azərbaycan qaytarılacaq.Yerdə qalan 2 anklav kənd Azərbaycanın yuridiksiyasında qalmaqla danışıqlar yolu ilə öz həllini tapacaq. Bu istiqamətdə yaxın zamanda müsbət addımlar atılacaq”.
T.Qafarlı
Xəbər lenti
Anar Məmmədli SAXLANILDI
Seçki Monitorinqi və Demokratiyanın Tədrisi Mərkəzinin sədri araşdırılır