Ukrayna Qələbə gününü qeyd etməkdən imtina edib
Ukrayna hökuməti 9 May Qələbə gününü qeyd etmək niyyətində deyil.
Versus.Az "RİA Novosti"yə istinadən xəbər verir ki, bunu "Ukrayna 24" telekanalına müsahibəsində Ukraynanı Xarici İşlər naziri Vadim Pristayko deyib.
"Bizim mövqeyimiz olduğu kimi qalır – xeyr, biz 9 Mayı qeyd etmək niyyətində deyilik. Biz, bütün Avropa qitəsi kimi, 75 il sonra bu faciənin niyə baş verdiyini anlamağa və bir-birimizi bağışlamağa hazırıq. Hesab edirik ki, qeydetmə məhz bu istiqamətdə getməlidir", - deyə nazir bildirib.
Qeyd edək ki, Ukraynada 8 may tarixi anım və barışıq günüdür. Bu bayramı 2015-ci ilin mart ayında təsis edilib. Beləliklə, ölkə faktiki olaraq Qərbi Avropa modelinə – nasist Almaniyası üzərində qələbəni qeyd etmək ənənəsinə qoşuldu. Buna baxmayaraq, Ukraynada 9 may tarixi qeyri-iş günüdür, lakin müharibənin sona çatması ilə bağlı bütün rəsmi tədbirlər mayın 8-də keçirilir.
Xatırladaq ki, 2015-ci ilin may ayından Ukraynada sovet rəmzlərinin təbliğini qadağan edən "Kommunist və nasist rejimlərinin məhkum edilməsi haqqında" qanun qüvvəyə minib.
Xəbər lenti
DİN və ANAMA-dan mina təhlükəsi ilə bağlı MÜRACİƏT
"Məsuliyyətli olmağa və təhlükəli ərazilərə daxil olmamağa çağırırıq"