Cəfər Namiq Kamalın 70 yaşı tamam olur

15:05 18-08-2020 | 531 | Mədəniyyət

Komitə sədri: Bir ailədən iki Xalq artistinin, iki məşhur sənətkarın – ziyalının çıxması təsadüf sayılmaz

Bugün Azərbaycanın Xalq artisti, tanınmış aktyor Cəfər Namiq Kamalın 70 yaşı tamam olur.

Versus.Az xəbər verir ki, Milli Məclisin Mədəniyyət Komitəsinin sədri Qənirə Paşayeva Xalq artistini öz adından və komitənin üzvləri adından təbrik edib, yeni sənət uğurları arzulayıb:

"Oynadığı rollar, işlədiyi sənətkarlar və müraciət etdiyi janrlardan da göründüyü kimi, Cəfər Namiq Kamal, istedadlı, geniş dünyagörüşlü və peşəsinə ürəkdən bağlı olan sənətkardır. Bunlar hər bir sənət adamı üçün ön planda gələn keyfiyətlər, məziyyətlərdir. Cəfər Namiq Kamalın özündən bir yaş böyük qardaşı İlham Namiq Kamal da sevilən sənətkardır. Bir ailədən iki Xalq artistinin, iki məşhur sənətkarın – ziyalının çıxması, əlbəttə, təsadüf sayılmaz. Bu, onların şəxsiyyətinin formalaşmasında, sənətə yönəlməsində ailə, məktəb mühitin oynadığı rolu da göstərməkdədir".

Millət vəkili bir daha hörmətli sənətkarımızı yubileyi münasibəti ilə təbrik edirb möhkəm can sağlığı, yeni yaradıcılıq uğurları diləyib.

PƏRİ
Versus.Az